Mizoram huap TT inelna lian an zo fel

Tualchhung Table Tennis inelna lian - Mizoram Table Tennis Championship 2024 chu Zirtawpni khan MTT Hall, Mission Veng-ah zawh fel a ni. Mipa singles huangah Kolasib Diakkawn tlangval Lalruatfela chuan Thangsiansanga, Techmaze TT Club chu 4-3 a hnehin a champion.

Tournament hi 2023-2024 season kharna niin, season khat chhunga TT tournament ngaihhlut leh ranking point tam berna a ni bawk. Infiammi 250 inlanin, district leh club 20 laiin infiammi an tir chhuak thei a ni.

Category 16 (Hopes boys & girls under 11, cadet boys & girls under 13, sub-junior boys & girls under 15, junior boys & girls under 17, youth boys & girls under 19, men's singles, women's singles, men’s & women’s above 30, men’s & women’s team-ah inelna neih a ni.

Women's Singles-ah roreltu ngai Lalthansangi Sailo, Techmaze TT Club chuan Moumita Saha, Techmaze TT Club tho lakah a chungnung zawkna lantirin Women's Singles Champion a ni.

Overall champion trophy chu gold medal panga, silver medal pali, bronze medal pathum latu Techmaze Table Tennis Club, Mission Veng an ni, an dawtah hian Vaivakawn Table Tennis Club (Gold - 3, Silver - 2 leh Bronze - 3) an awm.