MTB Mizoram Downhill Challenge-ah Vaivakawn cyclist Miller-a pakhatna

Water For Peace MTB Mizoram Downhill Challenge 2024 chu March 15, Zirtawpni khan Sakawrhmuituai Downhill Track Ridgeline-ah neih a ni a, open category-ah Miller B. Renthlei chu pakhatna a ni. Inelna hi open leh junior category-ah ṭhen a ni a, junior category-ah Pangbalkawn naupang Lalrinsanga chu pakhatna a ni thung.

Tlangram kawngchhuk thirsakawr intlansiakah hian Mizoram hmun hrang hrang aṭangin Thirsakawr khalh huai mi 34 an tel a, Sakawrhmuituai Ridgeline kawng chhuk hi 2 km-a thui a ni.