Swiatek tan Indian Wells nomawi

Hmeichhe tennis world number 1 Iga Swiatek chuan Maria Sakkari a hneh a, a vawi hnih nan Indian Wells nomawi a chawi.

Player pahnihte hi Indian Wells kum 2022 final-ah bawk khan an lo intawng tawh, player ṭha zawk Swiatek bawk chungnung lehin Greek nula Sakkari hi 6-4, 6-0 in a hneh a, chak turin darkar khat leh minute kua chauh hun a hmang.

Kum 22 mi Swiatek hian tennis a khelh hun chhungin nomawi 19 a chawi tling ta, season kal lai atan pahnihna a ni - thla hmasa khan Qatar Open nomawi a lo chawi tawh bawk.

Grand Slam vawi li champion tawh Swiatek chuan, "Min thlawptu an ṭha ṭhin em em a, ka tan chuan kan ram ang maia nuam leh mawi a ni," a ti. Tennis player-te hian Indian Wells hi nuam an tihzia an sawi nasa thei hlawm hle.