Villa tan point khat

Champions League khelh phak tum ngam Aston Villa chuan West Ham lakah si phurh sutin, 1-1 in an inhnehtawk a, khualmual aṭangin point khat an hlawh chhuak.

Pathianni zan Premier League inkhelah Hammers tan Michail Antonio chuan kumin August thla hnua a vawi khat nan goal a khung, second half-ah Villa lamin Nicolo Zaniolo hmangin an sut thung.

Tomas Soucek chuan hun tawp dawnah chakna goal khungah a inngai, mahse James Ward-Prowse-a freekick kal chu rei deuh tak Video Assistant Referee (VAR) hmanga an endik hnuah handball vangin an hnawlsak.

Unai Emery naute hian anmahni hnaih bertu Tottenham an chak lo tih hresa chungin match an khel a, mahse an duhthusam angin point thum an hmu thei bik lo - palinaah awm chhunzawmin Spurs aiin point thumin an sang mek a ni.