Arsenal defender Gabriel inhliam

Premier League hmahruaitu Arsenal defender Gabriel Magalhaes chu hliam vangin an ram Brazil tan a inlan thei dawn lo. Brazil coach Dorival Junior chuan a hmun ruakah Gleison Bremer a ko nghal.

Kum 26 mi Gabriel chauh hi a ni lo - North London club tana a khelhpui Gabriel Martinelli, Manchester United midfielder Casemiro, Manchester City goalkeeper Ederson leh Paris St Germain defender Marquinhos te pawh an inlan thei dawn lo.

Brazil hian Inrinni zanah England nen friendly match an khel dawn. Tun international break lai hian Three Lions bakah Spain hmachhawn turin Santiago Bernabeu an tlawh bawk ang.

Gabriel hliam nat dan leh a chawlh chen tur tak hi sawi lan a ni lo. EPL lama Arsenal elpui Manchester City midfielder Kevin de Bruyne chu hliam tenau vangin Belgium squad aṭangin a lo inhnukdawk ve tawh bawk a ni.

Brazil Squad:

Goalkeepers: Bento (Athletico-PR), Leo Jardim (Vasco da Gama), Rafael (Sao Paulo)

Defenders: Danilo (Juventus), Yan Couto (Girona), Ayrton Lucas (Flamengo), Wendell (Porto) Beraldo (Paris St Germain), Gabriel Magalhaes (Arsenal), Fabricio Bruno (Flamengo), Murilo (Palmeiras)

Midfielders: Andre (Fluminense), Andreas Pereira (Fulham), Bruno Guimaraes (Newcastle United), Douglas Luiz (Aston Villa), Joao Gomes (Wolves), Lucas Paqueta (West Ham United), Pablo Maia (Sao Paulo)

Forwards: Endrick (Palmeiras), Pepe (Porto), Galeno (Porto), Raphinha (Barcelona), Richarlison (Tottenham Hotspur), Rodrygo (Real Madrid), Savinho (Girona) & Vinicius Jr (Real Madrid).