Inter District Volleyball nei ṭan

Mizoram Volleyball Association (MVA) buatsaih - 20th Inter District Volleyball Championship 2024 chu Thawhṭanni zan khan ben hawn a ni a, inelna hi tun kar chhunga neih chhunzawm tur a ni ang.

District thiam ber zawnna hunah hian mipa inelna huangah team pasarih an inlan. Pool A-ah Champhai, Kolasib leh Hnahthial an awm. Pool B-ah Serchhip, Aizawl, Lunglei leh Siaha an awm thung. Pool pahnih aṭang hian a sang pahnih ve vein semifinal an lut ang.

Tuikual Indoor Stadium leh Aizawl West Jt YMA Hall-ah te inelna hi neih niin, hmeichhe lamah pawh team pasarih bawk an lut. Pool A-ah Lunglei, Siaha leh Serchhip awmin Pool B-ah Khawzawl, Aizawl, Kolasib leh Champhai te an awm thung.