Neiphiu Rio-a'n NE Games Olympic a hawng

3rd NorthEast Olympic Games 2024 opening ceremony chu March 18, Thawhṭanni zan khan Regional Centre for Sporting Excellence, Sovima, Chumoukedima-ah neih a ni a, Nagaland chief minister Neiphiu Rio-a'n a hawng.

NE Olympic Games hi March 18-23, 2024 chhungin Nagaland-ah neih a ni dawn. Inelnaah hian sports discipline 15 hmangin India hmarchhak state pariat Arunachal Pradesh, Assam, Manipur, Meghalaya, Mizoram, Nagaland, Sikkim leh Tripura te an inel dawn.

Sports discipline 15-te chu Archery, Athletics, Badminton, Basketball, Boxing, Football, Pencak Silat, Sepaktakraw, Table Tennis, Taekwondo, Tennis, Volleyball, Belt Wrestling, Wrestling leh Wushu te a ni a; Mizoram hi Pencak Silat leh Betl Wrestling-ah an tel lo.

Nagaland hian district pathumah inelna hi a thleng. Kohima District-ah athletics, Dimapur District-ah lawn tennis, inelna dang zawng hi Chumoukedima District-a neih tur a ni thung.