Griezmann tel lohna France

France chuan kum sarih hnua a vawi khat nan Antoine Griezmann tel loin match an khelh a ngai dawn. Euro 2024 inbuatsaihna friendly match hnuhnungah Griezmann hi hliam vangin a inlan thei dawn lo.

Les Bleus hian tun kartawpah Germany an mikhual dawn, ni thum hnuah Sourth American ram Chile an mikhual zui leh bawk ang, hengahte hian Griezmann kan hmu dawn lo.

Atletico Madrid forward Griezmann hi a tirah chuan koh a ni, mahse a inhnukdawk leh ta zawk. France coach Didier Deschamps chuan, "Antoine hi a kerek a hliam, club tana minute 45 chauh a inkhelh pawhin harsatna a nei," tiin a player dinhmun a sawi.

Tun hnai kum sarih chhung chu Griezmann hi France tana player pawimawh berte zinga mi a ni. Kum 2017 June thla khan England a hmachhawn a, a hnu lamah koh a ni chhunzawm ngar ngar - Les Bleus tan a zawnin match 84 teh meuh a inlan.

Griezmann hmun ruakah hian Arsenal midfielder hlui, tuna Lazio tana khel mek Matteo Guendouzi chu koh a ni thung. France hi an captain Kylian Mbappe hoin an khel ang.

France squad:

Goalkeepers: Alphonse Areola (West Ham United), Mike Maignan (AC Milan), Brice Samba (Lens).

Defenders: Jonathan Clauss (Marseille), Lucas Hernandez (Paris Saint-Germain), Theo Hernandez (AC Milan), Ibrahima Konate (Liverpool), Jules Kounde (Barcelona), Benjamin Pavard (Inter Milan), William Saliba (Arsenal), Dayot Upamecano (Bayern Munich).

Midfielders: Eduardo Camavinga (Real Madrid), Youssouf Fofana (Monaco), Adrien Rabiot (Juventus), Aurelien Tchouameni (Real Madrid), Warren Zaire-Emery (Paris Saint-Germain).

Forwards: Ousmane Dembele (Paris Saint-Germain), Moussa Diaby (Aston Villa), Olivier Giroud (AC Milan), Matteo Guendouzi (Lazio), Randal Kolo Muani, Kylian Mbappe (Paris Saint-Germain), Marcus Thuram (Inter Milan).