Australia-in Afghanistan hmachhawn dawn lo

Australia chuan August thlaa Afghanistan nen T20 series khel tura an ruahmanna chu hmeichhe chunga Taliban rorelna uchuak tak avangin an ṭhulh. Match thum khelh tur T20 series hi United Arab Emirates-a khelh tura ruahman a ni.

Afghanistan-ah kum 2021 aṭangin Taliban-in rorelna an nei let a, hemi hnu hian Australia-in ṭum thum ngawt Afghanistan nena an inkhel tur hi an ṭhulh tawh.

Tun ṭuma an ṭhulh bakah hian September 2021 khan match khat khelh tur Test match chu an ṭhulh a, March 2023-a ODI match thum an khelh tur chu an ṭhulh leh bawk.

Australia hian a hranin Afghanistan hmachhawn duh lo mah se inelna lianah erawh an hmachhawn chhunzawm zel dawn. Nikum November thla pawh khan T20 Cricket World Cup-ah an inkhel a, Aussies hi wicket thumin an chak.