Wushu-ah Gold-1, Silver-1, Bronze-2

3rd NorthEast Olympic Games-ah Mizoramin Wushu hmangin medal pali - gold leh silver pakhat ve ve bakah bronze medal pahnih an hlawh chhuak. Mizoram tana gold latu hi Nazareth Lalthazuala a ni a, Zemabawk East Kanan thar tlangval hian 56 kg category-ah pakhatna a ni.

Nazareth hian semifinal-ah Meghalaya aiawh chu knockout hmangin a hneh a, final-ah Arunachal aiawh a hneh leh bawk. Hmeichhe inelnaah ITI Veng nula Lalmuanzami chuan 52 category-ah silver a la bawk. Semifinal-ah New Secretariat tlangval Vanlalremruata (52 kg) leh Siaha tlangval C. John Denise (70 kg) te an vanduai a, bronze medal-ah an lungawi a ṭul ta thung.

Wushu-ah hian Mizoramin mi panga an tir a, medal pali an hawn. Mizoram manager Lalrinliana chuan, "Gold medal tam zawk lak a châkawm a, chutihrualin tun ṭuma kan thlen chin pawh a chhe lo a, Pathian min awmpuina vang liau liau a ni. Hmasawn zel kan tum ang," tiin Vanglaini a hrilh.