Mainoo an ko leh hnuhnawh

Manchester United midfielder Kobbie Mainoo chu England tana khel turin koh a ni. A tirah chuan under 21 team tana koh a ni phawt a, a hnuah coach Gareth Southgate chuan senior team tana khel tur hian a ko leh hnuhnawh a ni.

England hian Euro 2024 inbuatsaih nan friendly match pahnih an khel dawn. Inrinni zan hian Brazil an hmachhawn ang a, kar leh tir lamah Belgium an tum leh ang; match pahnih hi Wembley Stadium-a khelh tur a ni ang.

Man United academy aṭanga inzir chhuak Mainoo hi kum 18 mi chauh a la ni. Nikum November thla khan Everton hmachhawnin United tana a match hmasa ber a ni a, a hnu lamah match 19 a khel chhunzawm tawh.

Ram tan chuan kum bithliah inelna hrang hrangah a inlan tawh a, tunah chuan senior team boruak a tem dawn.

England squad:

Goalkeepers: Sam Johnstone (Crystal Palace), Jordan Pickford (Everton), Aaron Ramsdale (Arsenal).

Defenders: Jarrad Branthwaite (Everton), Ben Chilwell (Chelsea), Lewis Dunk (Brighton), Joe Gomez (Liverpool), Ezri Konsa (Aston Villa), Harry Maguire (Man Utd), John Stones (Man City), Kyle Walker (Man City).

Midfielders: Jude Bellingham (Real Madrid), Conor Gallagher (Chelsea), Jordan Henderson (Ajax), James Maddison (Tottenham), Declan Rice (Arsenal), Kobbie Mainoo (Man Utd).

Forwards: Jarrod Bowen (West Ham), Phil Foden (Man City), Anthony Gordon (Newcastle), Harry Kane (Bayern Munich), Cole Palmer (Chelsea), Marcus Rashford (Man United), Bukayo Saka (Arsenal), Ivan Toney (Brentford), Ollie Watkins (Aston Villa).