Basketball: Mizoramin semifinal an lut

Mizoram mipa team-in match hmasa pahnihah Assam leh Meghalaya hnehin semifinal an lut a, vawiin tlai dar 3:30 hian Tripura an hmachhawn leh ang. Mizoram hian nimin khan Meghalaya 88-39 in an hneh a; March 19, Thawhlehniah Assam 75-63 in an hneh bawk.

Mizoram mipa team hi MSL-a Zarkawt BCA a zawna vawi li champion puitu Lalruatfela'n (Afela) a ho a, gold medal lak beiseina a sang. NorthEast-a Mizoram el pha ber chu Assam an ni a, Assam hian Afela hote hi an hneh tawh lo.

Hmeichhe lamah erawh Mizoramin result ṭha an nei lo a, nimin khan Assam 69-39 in an hneh lo. Vawiin chawhma dar 9:30-ah Assam pawhin an hneh loh Meghalaya an hmachhawn dawn a, semifinal beiseina a chau hle.