Arsenal-ah Tomiyasu a nghet

Takehiro Tomiyasu chuan Arsenal tana khel zel turin season hnih daih contarct thar a ziak, kum 2026 thleng Emirates Stadium-ah a cham dawn tihna a ni a, an inremna hi kum khat chhung atana pawhsei leh theih tura tih a ni bawk.

Japan international hian kum 2021 khan Bologna aṭangin Gunners hi a zawm. North London club tan hian inelna hrang hrangah match 73 khel tawhin, a dam ṭha a nih chuan player pawimawh zinga mi a ni.

Arsenal manager Mikel Arteta chuan, "Tomi hi player ṭha, theihna nei sang leh fing tak mai a ni. Kan hnen a rawn pan aṭangin mi ngainat a hlawh em em a, a inkhelh dan leh nunphung hian min tihlim hle ṭhin," a ti.

Kum 25 mi Tomiyasu hi tlarhnungah chuan a khel kual thei vek - tun season inelna hrang hrangah match 20 a khel tawh. Premier League champion nih tum Arteta naute tan squad thuam chhahna ṭha tak a ni ngei ang.