3rd NE Olympic Games : Football Group B pakhatna Mizoram

Mizoram chuan nimin khan Assam 3-2 in an hneh a, match hmasa berah Manipur 4-0 a an hneh tawh bawk avangin group B-ah pakhatna an ni. Lalbiaksanga Colney kaihhruai Mizoram team hian semifnal-ah group A pahnihna an hmachhawn dawn a; March 22, Zirtawpni chawhma dar 11:00-ah an inkhel ang.

Assam lakah hian Mizoram tan Vanlalthanga'n first half-ah goal hnih a khung a, Dipu leh Gopal hmangin second half-ah si phurh an sut. Mizoram tan Malsawmfela a rawn inlar a, minute 58-naah chakna goal khungin VL Thanga siamsak a ni.

Group A inkhelah Meghalaya-in (3 pts) Tripura (0 pts) 2-1 in an hneh a, Nagaland-in (6 pts) Arunachal Pradesh (3 pts) 2-1 in an hneh. Vawiinah Meghalaya Vs Nagaland leh Aruanchal Pradesh Vs Tripura te an inkhel dawn a, pakhatna leh pahnihna tur hriatthiam a la har hle.