Ram tan Lukaku inlan dawn lo

Romelu Lukaku chu khel bawr hliam vangin a inkhel thei dawn rih lo - tun kar tawpa Belgium leh Ireland ten friendly match an khelh hunah a hmel a inlan ve thei dawn lo.

Europa League an khelh ṭumin Lukaku hi a inhliam a, kar tawpa Sassuolo nen Serie A an khelh ṭumin inlan zui leh mah se a hliam vang bawkin a buai a, ram tan koh ni mah se match hmasa zawk chu a khel thei dawn ta lo a ni.

Euro 2024 inbuatsaih nan Belgium hian Inrinni zanah Ireland an hmachhawn dawn, chumi hnuah England nen an intum leh ang. Manchester City midfielder Kevin de Bruyne pawh hliam vang bawkin a lo inhnukdawk tawh.

Belgium Squad:

Goalkeeper: Arnaud Bodart, Koen Casteels, Thomas Kaminski, Matz Sels.

Defender: Jan Vertonghen, Timothy Castagne, Koni De Winter, Zeno Debast, Wout Faes, Thomas Meunier, Arthur Theate.

Midfielder: Olivier Deman, Dodi Lukebakio, Orel Mangala, Amadou Onana, Youri Tielemans, Arthur Vermeeren, Aster Vranckx, Jeremy Doku.

Forward: Johan Bakayoko, Michy Batshuayi, Charles De Ketelaere, Romelu Lukaku, Loïs Openda, Leandro Trossard.