Kolkata Derby tlukpha a awm lo - Katsumi

Pathianni tlai dar 5:00-ah Kolkata Derby khelh a ni dawn a, Mohun Bagan leh East Bengal a nih miau avangin Salt Lake Stadium-ah inkhel entu an ṭhahnem dawn.

Bagan midfielder hlui Katsumi Yusa chuan, "Mohun Bagan-ah hun chhinchhiah tlak kan tawng ṭeuh a, Kolkata Derby ngat phei chu a tlukpui a awm thei lo. Ka hun tawn zinga nuam ka tih ber pawh Kolkata Derby-a thil thleng a ni a, 2003-14 season khan Calcutta League-ah East Bengal 1-0 kan hneh a, goal awmchhun ka khung," tiin Chennai City tana khel mek Japa-nese playmaker chuan a sawi. Mohun Bagan hi an match hnuhnung berah Punjab FC nen an inhnehtawk a, East Bengal pawhin an mikhual Gokulam Kerala 3-1 ngawtin an hneh lo.