IPL hmahruaitu Delhi Capitals

Indian Premier League-ah Thawhṭanni zan khan Delhi Capitals-in Royal Challengers Bangalore chu 59 runs a hnehin league hmahruaitu an ni.

Shreyas Iyer-a captain-na hnuaia khel Delhi hian match nga an khelh tawh aṭangin vawi li an chak a, vawi khat chiah la chak loin point 8 an hmu.

Dubai International Stadium-ah Bangalore-in vawm hmasak an thlang. Delhi lam tan opener pahnih Prithvi Shaw (42) leh Shikhar Dhawan (32) ten bul an ṭan chhe lo a, Rishabh Pant (37) leh Marcus Stoinis (53) te rawn che ṭha bawkin over 20-ah 196.4 an siam.

Royal Challengers tan captain Virat Kohli-a'n run 43 siam mah se a teammate zingah run 20 vaw kai an awm lo a, run 137/9 chauh an tlin avangin run 59-in an chak lo.

IPL khelh chhunzawm a ni dawn a, Sheikh Zayed Stadium-ah zanin dar 7:30 hian Kolkata Knight Riders leh Chennai Super Kings te an inkhel ang.