Sepaktakraw: Silver pakhat leh Bronze pathum

3rd NorthEast Olympic Games-ah Mizoramin sepaktakraw-ah medal pali - silver pakhat leh bronze pathum an hlawh chhuak. Sepaktakraw-ah inelna chi li, team, regu, doubles leh quadrant a awm a, Mizoramin medal an la vek.

Team inelnaah hian mi 15 a tel theih a, hei hi panga zelin group thumah inṭhenin pathum an lut a, pahnih bench-ah an awm thung. Mizoram erawh budget a tlem avangin group khatah pathum zel an awm a, bench-a ṭhu tur player an awm lo.

Mizoram hian doubles-ah silver an la a; team, regu leh quadrant-ah bronze an la vek bawk. National Games hnuhnung berah pawh khan regu khel turin Mizoram hi an tling pha.

NE Olympic Games-ah hian Sepaktakraw khel hi state pali an awm a, Mizoram bakah Nagaland, Manipur leh Assam te an tel a ni.