44th Robula Trophy khelh zawh a ni

44th Robula Chess Trophy 2024 chu March 16-21, 2024 khan Ramhlun Indoor Stadium, Aizawlah khelh a ni a, inelnaah hian player 144 telin Aizawl pawn aṭangin mi pali an tel. 

Inelna hi Er Robula, Mizo zinga engineer hmasa ber hriatreng nan a chhungten sum thawhin, kum tin an buatsaih ṭhin. Kumin hian khawvel puma chess pawl lian ber, FIDE hriatpuiin Mizoram Chess Association-in an buatsaih a ni.