Archery-ah Mizoram palina

3rd NorthEast Olympic Games-ah Mizoramin archery-ah mipa pali leh hmeichhe pakhat an tir a, medal an hlawh chhuak lo. Thal inkahsiak hi 1st NAP Parade Ground, Chumukedima-ah neih a ni a, Indian round-ah Mizoram mipa team hi palina an ni.

Indian round-ah hian Isaak Lalchuailova (639), K. Lalrosanga (603), Laldampuia (571) leh Vanlalhruaizela (457) te point hmuh belhkhawm chu 1813 a ni a, palina Nagaland chu 74 points-in an pha lo. Pakhatnaah Assam an awm a, pahnihnaah Manipur an awm thung. Mizo zinga kap ṭha ber Isaak hian Assam leh Manipur thal kap thiamte a el pha a, thal kah hi Mizo pa C. Lalremsanga'n Olympic thlenga a hming a chher tawhna a nih avangin thal kahah beisei tur a awm.

Hmeichhe thal kap thiam Esther Ramdinpuii chu recurve-ah a tel thung a, medal a hlawh chhuak pha bik lo.