Leeds hnawl hnu Cuisance-a'n Marseille a zawm

Bayern Munich midfielder Michael Cuisance chuan Leeds United pan a tumna a tlawlh takah chuan Ligue 1 lam a hawi a, Marseille chu season khat chhung loan a khel turin a zawm. 

Kum 21 mi midfielder hian Marcelo Bielsa enkawl team chu pound maktaduai 20-in a zawm dawn nia sawi a awm hman a, a man zat tur pawh pound maktaduai 20 a nih thu thlengin an sawi ri. 

Mahse, Leeds-ah hian medical a paltlang zo lo nia sawi a ni a, Marseille a zawm ta - French club hian an duh chuan a loan hman hun a zawh hunah a nghetin an lalut thei ang. 

Cuisance hian season hmasa khan Bayern Munich tan inelna hrang hrangah match 10 a khel ve a, goal khat a khungsak a ni.