Gujarat tan Supergiants an lian tawk lo

Ningani zan IPL match-ah Gujarat Lions chuan Rising Pune Super-giants chu wikcet sarihin an hneh a, an mikhualna ramah Gujarat an tlangnel hle.

Saurashtra Cricket Association Stadium, Raj-kot-a inkhelah bat hmasa zawk Pune-in over 20-ah run 163 siamin mi panga an hloh a, ball 43-a hmachhawna run 69 vaw chhuaktu Faf du Plessis a khel ṭha hle.

Gujarat Lions-in over 18-ah run 164 siamin an target an umpha der a, mi pathum chiah an hloh. Mikhual team tan opener pahnih Aaron Finch leh Brendon McCullum-te an khel ṭha takzet a, Finch-a'n run 50 a siam laiin McCullum hian run 49-in a pui bawm ve bawk a ni.

Vawiinah inkhel pahnih a awm dawn a, tlai dar 4:00-ah Sunrisers Hyderabad leh Kolkata Knight Riders inkhelin zan dar 8:00-ah Mumbai Indians chuan Gujarat Lions an mikhual ve leh bawk ang.