McLaren driver Fernando Alonso a dam

Pathianni hian Chinese Grand Prix tlan a ni dawn a, Fernando Alonso pawhin intlansiak turin practice hmasa berah medical test a paltlang.

McLaren driver hi kumina intlansiak hmasa ber Australian Grand Prix-ah khan a chesual a, Bahrain Grand Prix-ah khan inlan thei tura ngaih ni mah se a hriselna dinhmun endik a nih hnuah car khalh tir a la ni lo a ni. Kum 34-a upa Alonso hi Formula 1 inel-naah hian ṭum hnih world champion a ni tawh a, China-ah bik hian vawi hnih hnehna a lo chang tawh bawk.

Chinese Grand Prix tlan tur hian Formula 1 ngainatute lung a ti leng thar hle a, kum 2006 khan khawvela F1 driver hlawhtling bera ngaih Michael Schumacher chuan Ferrari car khalh chungin intlansiaka hnehna a channa hnu-hnung ber atan he hmunah hian hlawhtlinna a lo tawng tawh a ni.