Arsenal midfielder Wilshere a dam ta

Arsenal midfielder Jack Wilshere chu a hliam a dam tawh a, Ningania Arsenal U21 in Swansea City U213-1 a an hneh loh ṭumin harsatna nei loin munute 90 chhung a inkhel thei ve leh ta.

Nikum August thlaa inhliam Wilshere hi tun season-ah Arsenal first team tan a la inlan lo a, kum 24-a upa midfielder dam thu hi Gunners bakah England manager Roy Hodgson tan chanchin lawmawm a ni ang.

Euro 2016 khel tur England-in nikum June thlaa Slovenia 3-2 a an hneh ṭum khan Wilshere hian goal hnih a khung a, hemi hnuah Wilshere hi ram tan a la inlan leh miah lo. Mahse tunah chuan England squad-a tel beiseina a nei ve leh ta a ni.

Arsenal hian Pathianni zan dar 8:30 hian Premier League-ah Crystal Palace an lo mikhual dawn a, Arsene Wenger tan a player chhawr nan a la hma lutuk deuh mai thei.