Mizoramin I League club a nei zel dawn em? Pune-ah DSK Shivajians Vs Aizawl FC
Zanin dar 7:05 hian Shree Shiv Chhatrapati Sports Com-plex-ah DSK Shivajians-in Aizawl FC an mikhual dawn a, result nghawng a len tham avangin inkhel pawimawh bik a ni. Ten Action chuan Mizote en châk inkhel hi an pechhuak dawn.
Mala tel loin
DSK hmachhawn tur team-ah Aizawl FC manager K. Mal--sawmkima a tel lo a, I League-a Mizo club hruai thlengtu coach kal loh chhan hi AIFF D Licence course a ṭan dawn vang niin coaching career ṭan tur tana pawimawh tak course hi MFA kaihhruainain April 25-ah ṭan a ni ang.
Aizawl FC-in Salgaocar an hneh loh ṭumin David Lal-rinmuana an chhawr thei lo. DSK hmachhawn tur hian cap-tain David-a'n winger Lalbiakhlua a thlak a, Mizo keeper Zothan-mawia aiah Manipuri keeper Soram Poirei an hruai bawk. Aizawl FC hian Pune-ah player 18 an hruai a, Goan club hmachhawntu aṭangin player pahnih an thlak.
DSK an dam
DSK Shivajians hian match sarih chhung chu hneh loh an tawng tawh lo a, hemi chhung hian Aizawl FC hi vawi li lai an chak lo. Pune club hi relegate thei lo mah se table mawngphaha awmin Federation Cup an khelh dawn loh avangin chak ngei an duh dawn.
MPL champion hian RG Stadium-ah DSK hneh mah se tunah chuan team ṭha zawk an ni tawh. Real Madrid youth system chhuak Juan Quero leh India defender Sandesh Jhingan ten team an tichak a, Mizo tlangval Zohmingliana Ralte leh Sena Ralte te chu team tichaktu an ni.
DSK defender Zotea chuan, "Aizawl FC hi relegate lo turin ka duh a, amaherawhchu Federation Cup khelh kan duh bakah kan hna a nih miau avangin kan club tan theihtawp ka chhuah ang," tiin Vanglaini palai a hrilh.
80% chak chance
Aizawl FC coach Jahar Das chuan, "Chak tumin kan khel dawn a, draw a thiang tawh lo. DSK hi tunah chuan team ṭha tak ni mah se kan chakna chance hi 90% a ni," tiin chak theih a inbeisei thu Vanglaini palai a hrilh.
Thil awm dan tur
Aizawl FC chak se
• Pathianni zanah Shillong Lajong-in Mumbai FC an hneh bawk chuan Aizawl FC-in I League an khel zel ang.
• Mumbai FC-in La-jong an hneh thung chuan Round 18 nghah thlen a ṭul ang. DSK-in Mumbai an hneh chuan Aizawl FC an him ang a, Pune club hi lo chak ta pawh ni se East Bengal-in Lajong an hneh chuan MPL champion hi an him tho ang.
Aizawl FC hi in draw ta se
• Lajong an him nghal ang.
• Mumbai FC hian Lajong leh DSK lak aṭanga a tam berah point khat an hmuh chauhin Aizawl FC an him ang.
Aizawl FC chak lo ta se
• Lajong an him nghal ang.
• Mumbai FC-in Lajong leh DSK an hneh loh chauhin Aizawl FC an him ang.
Note : I League-ah point hmuh zat a inang a nih chuan head to head en tur a ni. Aizawl FC hi Mumbai FC aiin head to head-ah an ṭha zawk a, Shillong Lajong erawh head to head-ah an tluk lo.
I League - Fixtures
Round 17
April 15, Zirtawpni
7:05 PM East Bengal Vs Sporting Goa
April 16, Inrinni
7:05 PM DSK Shivajians Vs Aizawl FC
April 17, Pathianni
7:00 PM Mumbai FC Vs Shillong Lajong FC
7:05 PM Bengaluru FC Vs Salgaocar FC
Round 18
April 24, Pathianni
7:05 PM Salgaocar FC Vs Sporting Goa
7:05 PM Mumbai FC Vs DSK Shivajians
7:05 PM Mohun Bagan Vs Bengaluru FC
7:05 PM Shillong Lajong Vs East Bengal
Team Dinhmun
# Team Pld W D L GF GA GD Pts
1 Bengaluru FC 14 9 2 3 22 12 10 29
2 Mohun Bagan 15 7 6 2 27 16 11 27
3 East Bengal 14 7 3 4 22 17 5 24
4 Sporting Goa 14 4 6 4 21 20 1 18
5 Salgaocar FC 14 4 4 6 19 22 -3 16
6 DSK Shivajians 14 3 6 5 16 20 -4 15
7 Shillong Lajong FC 14 3 6 5 12 21 -9 15
8 Aizawl FC 15 3 4 8 14 21 -7 13
9 Mumbai FC 14 2 7 5 14 18 -4 13