Nadal, Federer leh Murray chak vek

Monte Carlo Masters khelh mekah Rafael Nadal, Roger Federer leh Andy Murray te chuan an khingpui ṭheuh hnehin quarter-final an lut.

Spanish tlangval Na-dal-a'n kumin kum tir lama Buenos Aires hmuna a lo hneh loh tawh Dominic Thiem lakah fiahna hautak a tawk leh a, Austrian rawlthar Thiem hian break point vawi 16 zet a hmu thei. Mahse
ṭum khat chiah a hmang
ṭangkai thei thung. Monte Carlo champion nomawi vawi riat lo chawi tawh Nadal-a'n darkar hnih chhungin 7-5, 6-3 in hnehna a chang hram a ni.

Grand Slam vawi 17 champion tawh Federer chuan last 16 paltlang turin Roberto Bautista Agut chu sawlsam tak-in 6-4, 6-2 in a hneh a, quarterfinal-ah khaw-tual tlangval Jo-Wil-fried Tsonga nen an inhmachhawn leh nghal.

World number 2 Mur-ray set a hloh zet hnuah Benoit Paire chu 2-6, 7-5, 7-5 in a hneh hram. Britain fachuam hian hnehna chang turin darkar khat leh minute 33 ngawt a mamawh a ni. Nimin tlai khan British star Murray chuan Milos Raonic chu 6-2, 6-0 in a hneh leh nghal a, harsatna nei loin semifinal a lut.

Murray chuan, "Ka service a ṭhat avangin Milos tan chet ngaihna a awm lo a, ka khelh dan-ah ka lungawi hle," tiin inkhelh banah a sawi.