Reds kalkawngah Villarreal

Liverpool-in season thara Champions League khelh an beiseina awmchhun chu Europa League nomawi chawi a ni tawh - Reds final kalkawng dal turin Villarreal chuan Merseyside club hi semifinal-ah an hmachhawn dawn.

Semifinal first leg khel turin Liverpool hi April 28-ah Spain-ah an zin ang a, May 5-ah Anfield-ah Spanish club hi an mikhual ve leh ang. Semifinal lehlamah champion lai Sevilla leh Ukrainian club Shakhtar Donetsk an inhmachhawn dawn bawk a, team pahnih hi kum 2007 khan Europa League last 16-ah intawngin Spanish club hi 5-4 aggregate-in an lo chak tawh a ni.

Liverpool leh Villarreal tan tun hi an vawi khat intawnna tur a ni dawn a, Reds hian Europe inelnaah Spanish club pahnih an hmachhawn tawh thung. Kum 2010-a Atletico Madrid nen an inhmachhawn ṭumin away goal rule vangin an tlawm a, kum 2001 leh 1976-a Barcelona an hneh ṭumah erawh nomawi an chawi chhunzawm.

Europa League final hi May 18-ah khelh a ni dawn a, semifinal-a chak zawk team pahnih hi nomawi chawi inchuhin Switzerland khawpui pakhat Basel-ah an khel ang.