I League champion tur Bengaluru?

Pathianni zan dar 7:05 hian Bengaluru FC-in an mual Sree Kanteerava Stadium-ah Salgaocar FC an mikhual dawn a, hnehna an chang a nih chuan Mizo panga Lal-chhuanmawia Fanai, Lalthuammawia, Beikhokhei Beingaichho, Malsawmzuala leh Daniel Lalhlimpuia te awmna Blues an champion ang. I League inkhel pawimawh hi Ten Action-ah live-in pekchhuah a ni dawn.

Salgoacar coach San-tosh Kashyap chuan, "Bengaluru champion kawng daltu nih kan tum lo a, amaherawhchu kan club ṭhatna turin point thum hlawhchhuah kan tum ang. Tlak hlauh-awmah ding tawh lo mah ila season ṭha taka khar turin kan hmabak match hnihah chak ve ve kan duh," tiin Aizawl FC an hneh zawhah a sawi.

The Greens hian Ai-zawl FC an hneh ṭuma chakna goal khungtu Darryl Duffy chu hrem vangin chhawr thei dawn lo mah se a hmunruak luah turin Cameroonian striker Calvin Mbarga a awm thei ang.

Bengaluru hian I League an la thutak tih a chiang a, AFC Cup-a Myanmar club Ayeya-wady United FC an hneh ṭumin an player ṭha an awltir. Blues boss Ashley Westwood hian Pathiannia point thum an hlawhchhuah loh chuan nomawi an chan thei tih a hrechiang hle.

Season liam ta khan Bengaluru FC-in cham-pion nawn turin match hnuhnung berah Mohun Bagan hneh an mamawh a, John Johnson hmangin hun tam zawk hma hruai mah se minute 87-naah Mariners-in Bello Rassaq hmangin an sut a, Kolkata club an champion. Bagan hian tun season-ah Bengaluru hi an hneh tawh a, season khar nan Barasat Stadium-ah an mikhual leh dawn. Blues hian Pathianniah point khat aia tam an hmu lo a nih chuan Jeje Lalpekhlua khelhna Mariners tan champion turin match hnuhnung bera chak a tawk ang.