Shaqiri-a'n Covid-19 a kai

Aston Villa laka mual-pho hlim Liverpool-in chanchin lawmawm lo an neih belh zel a, Thiago Alcantara leh Sadio Mane hnua an player pathumna ni turin Xherdan Shaqiri chuan Covid-19 a kai. 

Shaqiri hi zanin dar 12:15 a Croatia nena friendly match khel tur Switzerland squad-ah a tel a, mahse Swiss Football Association chuan an player pawimawh hian Covid-19 a kai thu puangin a inkhunghran nghal thu an sawi a ni. 

Kum 28 mi Shaqiri hian tun season-ah Liverpool tan match khat chiah a la khel a, League Cup-ah freekick aṭangin a khung - Premier League squad-ah erawh tun season-ah a hming a la lang lo.