Roma-ah Smalling a nghet

Roma chuan Man-chester United aṭangin euro maktaduai 15  (£13.6m)-in Chris Small-ing an lalut a, English defender man hi a chet ṭhat dan a zirin euro maktaduai 20 (£18.1m) ah a pung chho thei ang.

United leh Roma-in inremna neih an harsat a, Italian FA-in transfer tawp hma minute khat a la awmin Smalling hi an ziak lut fel. 

Kum 30 mi Smalling hi season liam ta khan Roma-ah loan hmanga khelin Paulo Fonseca hnuaiah hmun pawimawh a chang a, Serie A-ah pangana nihpuiin Europa League khel turin an tling.

Smalling chuan, "Ka nuna thil hlu tak hi chu neih a awlsam lo ṭhin. Ka rilru leh ka thinlung hi Rome-ah a awm a, an ta ka ni hi ka lawm," tiin a sawi.

England centre back Smalling hian season liam ta khan league match 30 khelin goal thum a khung. Smalling hian England tan vawi 31 a khel a, Manchester United tan vawi 323 inlan hmanin Premier League nomawi pahnih bakah FA Cup, League Cup leh Europa League a chawipui bawk.