Saints-ah Walcott a kir

Southampton aṭanga inzir chhuak forward Theo Walcott chuan amah siam liantu club lam hawiin a puanthuah a tel a, Everton aṭangin Saints hi season khat chhung loan a khel turin a zawm.  

England tana vawi 47 inlan thei forward hian 2005-06 season-ah khan a professional career ṭanin Southampton tan hun a hmang a, January 2006 khan Arsenal a zawm. 

January 2018 khan Gunners chhuahsanin Everton chu pound maktaduai 20-in a zawm a, Merseyside club tan match 85 khelin goal 11 a khung. 

Kum 31 mi forward chuan, "Club dang zawm tur pawhin hun ṭha ka nei a, mahse min siam liantu Southampton an lo lang miau a, ka thinlung neitu an ni," tiin Saints a pan chhan a sawi.