Gujarat Lions hahum ri a ring zel

Indian Premier Lea-gue khelh mekah team thar Gujarat Lions-in hneh loh an la tawng lo a, match thuma a zawna an vawi thum chakna ni turin Inrinni zan khan Mumbai Indians chu wicket thumin an hneh.

Mualneitu Mumbai-in over 20 chhunga run 143 siamin mi pariat an hloh a, an run siam hnem ber Parthiv Patel pawn run 34 bak a tlin lo. Gujarat Lions tan an target hi tam tham niin lang lo mah se wicket li lai latu Mumbai fast bowler Mitchell McClenaghan vangin Wankhede Stadium-ah an mualpho teuh hle.

Gujarat Lions tan batsman dang chet ṭhat loh zanah Aaron Finch-a inlar a, Australian bats-man hian run 67 siama over tawp thleng damin team chhandamtu a ni. Gujarat hian over 20-ah run 147 vaw chhuaka mi pasarih hlohin wicket thumin hnehna an chang.

KKR an chak

Inrinni tlai inkhelah Kolkata Knight Riders chuan Sunrisers Hyde-rabad chu wicket kuain an sawp bawk a, Kolkata tan run 90 siama a tawp thleng dam Gautam Gambhir a hmuhnawm fal hle.

Bat hmasa zawk Hy-derabad batsman zingah run 51 siamtu Eoin Mor-gan a che ṭha a, a ṭhian dang-ten an puih ṭhat tawk loh avangin over 20-ah run 142 siamin mi pasarih an hloh.

Mikhual team Kolka-ta-in over 18.2 lekah an target hi umphain run 146 an siam a, mi pahnih chiah hlohin chak zawkah an ṭang ta a ni. Captain Gautam Gambhir chuan ball 60 hmachhawnin run 90 lai a vaw chhuaka, a naute tan entawn tur a hnutchhiah ṭha hle.

Kings XI an lal thei lo

Zirtawpni zan inkhel awmchhunah Kings XI Punjab chu Delhi Dare-devils lamin wicket riatin an sawp a, vawi hnih an inkhelh tawha an vawi hnih tlawmna a ni.

Punjab-in Amit Mi-shra an ngam lo a, India spin bowler hian over thumah run 11 chiah pein wicket li a la a, Kings XI tana run siam hnem ber Manan Vohra chu run 32 a siam tihin a vawm out. Punjab hian over 20-ah run 111 an vaw chhuak a, mi pakua an hloh.

Delhi tan an target hi um huhphurhawm a ni lo a, over 13.3-ah mi pahnih chiah hlohin an umpha a, run 59 siama a tawp thleng dam Quinton de Kock chu batsman thawhhlawk ber a ni.

Zaninah inkhel pakhat chiah a awm dawn a, zan dar 08:00-ah hian Sun-risers Hyderabad chuan Mumbai Indians an mikhual ang.