Napoli beiseina ti tawptu Inter Milan

Italian Serie A khelh mekah Napoli chuan kum 1990 hnua a vawi khat nan league title chawi ve leh ngei beisei mah se Inrinni zana Inter Milan 2-0 a an hneh loh avangin an beisei a tawp tawh tluk a ni.

League match hnu-hung vawi thuma vawi hnih chak lo Napoli hian point 70 hmuin hma-hruaitu Juventus chu point rukin an phak lo a, nizana Juve inkhel result a zirin an inthlauhna hi a la danglam leh thei bawk. Match nga chiah khelh hmabak an neih tawh avangin nomawi beiseina a chau ta hle.

San Siro-a inkhelah Inter captain Mauro Icar-di chuan ṭan aṭanga mi-nute lina lekah goal hmahruai a khung a, Argentine striker hian tun season-ah league goal 15 a khungna niin Inter Milan tan Serie A match 73 a khelh aṭanga a goal 46-na chiah a ni. First half tawp hma chiahin Marcelo Brozovic-a'n an goal hnihna a khung bawk.

Roberto Mancini nau-te hian point 61 neiin anni aia match khata khel tlem zawk AS Roma aiin point thumin an hniam mek a, league table-ah palina dinhmun an luah.

Inter Milan captain Mau-ro Icardi chuan, "Ka sawi fo tawh ṭhin angin a sang pathum zinga tel tur hian kan ṭha tawk a, mi-dang ngai chang loin kan theihtawpin hmalam kan pan zel ang. Season tawpah chuan a sang thei ang bera awm kan tum," tiin a sawi.