Didika a dam tawh

Hun rei tak chhung hliam vanga a inlan theih loh reng hnuah Mizo tlangval Lalrindika Ralte chuan khelmual chhung-ah a hmel a lan ve leh ta a, Zir-tawpni zana East Bengal leh Sporting Clube de Goa-te goal awm loa an inhnehtawk ṭum-in minute 55-naah khelmual chhungah a tlan lut. Barasat Sta-dium-a inkhelah hian S. Mal-sawmtluanga a khel tluan bawk.

India international Di-dika hi a ke dinglam ngal-rek hliam vangin sea-son hmasa Indian Super League-ah pawh a in-lan thei tawh lo. Lunglei tlangval chuan hun rei tak hnua a inlan leh thei chu a lawm thu sawiin, "Inkhelh leh chu nuam ka ti khawp mai a, mah se ka inkhelh loh rei avangin inrintawkna neih a la har rih hle," tiin Vanglaini palai a hrilh.

Didika chuan thla thara khelh tur Federation Cup chu a thlir ber a nih thu sawiin, "Ka ngalrek-ah hian thir pahnih an la phum a, doctor-in kum khat leh a chanve vel chu phum a la ngaih tur thu a sawi avangin 100% in ka la fit lo a, duh ang thal chuan ka la inkhel thei lo. I League ai chuan Federation Cup hi ka thlir ber zawk a ni a, mah se coach ban vel avangin kan assistant coach-te'n khel turin min duh si a, doctor-in a lo rem tih bawk si avangin in fit zan lo chungin ka khel a ni," tiin dam chiang var tur chuan hun a la duh deuh tur thu Vanglaini palai hnenah a sawi.