Sindhu tlak laiin Srikanth a chak

Badminton inelna Swiss Open khelh laiah PV Sindhu chu a match hnihnaah a tla a, hetih lai hian mipa player ṭha Kidambi Srikanth, Priyanshu Rajawat leh Kiran George te chuan quarterfinal an lut thung.

Sindhu hian kum 17 mi chauh Tomoka Miyazaki chu 21-16, 19-21, 16-21 in a hneh lo. Mipa inelna lamah Lakshya Sen pawhin Lee Chia-Hao chu minute 38 chhung lekin 17-21, 15-21 in a hneh lo a ni.

Last 16 inkhel dangah Srikanth erawhin seeded pakhatna Lee Zii Jia chu 21-61, 21-15 in a hneh. Rajawat pawhin Chinese tlangval Lei La Xi chu 21-14, 21-13 a hnehin quarterfinal a inhlangkai ve bawk.

George chuan fiahna hautak a paltlang, a khingpui Alex Lanier nen darkar khat leh minute 11 an inkhelh hnuah 18-21, 22-20, 21-18 in a vannei zawkah a ṭang hram.