Eriksen-a'n Inter a hnaih zel

18th January, 2020

Tottenham Hotspur midfielder Christian Eriksen-a agent Martin Shoots chu nimin khan Milan-ah hmuh a ni a, Danish midfielder chungchangah Inter Milan CEO Marotta nen an inbiaa ngaih a ni.

Khawtlang media-te tarlan danin Inter Milan hian season tawpa contract tawp mai tur Eriksen tan hian pound maktaduai 13 an phal a, Tottenham erawhin pound maktaduai 17 an beisei thung. Spurs hian zanin dar 6:00 hian Nigel Pearson hnuaia hmasawn chho mek Watford hmachhawn turin Vicarage Road an tlawh ang. Jose Mourinho-a'n Tottenham a enkawl hnua a lakluh hmasak ber Gedson Fernandes pawh inlan thei dinhmunah a ding.