India Under 23 an tlawm

Zirtawpni zan khan India Under-23 chuan Malaysia U23 an hmachhawn a, 2-1 in an tlawm. Kuala Lumpur Stadium-a inkhelah hian Malaysia tan Saravanan Thirumurgan leh Muhamad Alif Zikri Bin Zaini Anuar ten goal khat ve ve an khung a, India tana Chingamgbam Shivaldo Singh goal khungin awmzia a nei phak lo.

Blue Tigers squad-ah hian Mizo player Isak Vanlalruatfela leh Mark Zothanpuia te an awm a, inkhel bul an ṭan ve ve - India tana an inlan hmasak ber a ni a, Odisha forward Isaka leh Hyderabad FC midfielder Mark-a te tan chuan mellung pawimawh a ni.

India U23 hian Malaysia U23 nen friendly match vawi hnihna an khel leh dawn a, inkhel hi online emaw television kaltlanga enna tur a awm dawn lo.