Euro 2024 thleng tur Germany an chak

Germany-in Inrinni zan friendly match-ah France 2-0 in an hneh. Euro 2024 thleng tu tur Germany tan Florian Wirtz leh Kai Havertz ten an khung.

Groupama Stadium, Lyon-ah mikhual team-in bul an ṭan ṭha a, Julian Nagelsmann-a'n ram tana inlan tura a koh kir Toni Kroos ball pek chu second sarihna lekah Wirtz-a'n a khung. Bayer Leverkusen midfielder Wirtz goal khung hi a ṭha takzet.

France khel chhe lo mah se Germany-in second half-ah bul an ṭan ṭha leh a, Jamal Musiala ball pek chu Kai Havertz-a'n minute 49-naah a khung. Germany hian March 26, Thawhlehni zan dar 1:15-ah Netherlands an hmachhawn leh ang.