Serchhip an champion

Mizoram Volleyball Association (MVA) buatsaih - 20th Inter District Volleyball Championship 2024 chu khelh zawh a ni a, mipa inelna lamah Serchhip an chanpion a, hmeichhe huangah Champhai an champion thung.

Tournament hi Tuikual Indoor Stadium leh Aizawl West Jt YMA Hall-ah te neih a ni. Mipa final-ah Serchhip chuan Lunglei chu 20-25, 22-25, 26-24, 25-18, 15-9 (3-2) in an hneh.

District thiam ber zawnna hunah hian mipa inelna huangah team pasarih an inlan. Pool A-ah Champhai, Kolasib leh Hnahthial an awm. Pool B-ah Serchhip, Aizawl, Lunglei leh Siaha a awm thung a ni.

Hmeichhe inelna lamah Champhai chuan an khingpui Aizawl chu 25-18,14-25, 25-23, 23-25, 15-9 (3-2) in an hneh ve bawk. Hmeichhe lamah pawh team pasarih bawk an lut. Pool A-ah Lunglei, Siaha leh Serchhip awmin Pool B-ah Khawzawl, Aizawl, Kolasib leh Champhai te an awm thung.

Pool pahnihna awmte hi an inkhel kual vek a, chumi hnuah a sang pahnih zelin semifinal lutin a chak ten final an khel chhunzawm leh a ni.