Copa America khel tur a hriat kim

South American ramte football hmanga inelna Copa America 2024 khel tur ram 16 a hriat kim ta. Inrinni khan Canada chuan Trinidad and Tobago 2-0 in an hneh a, inkhel dangah Costa Rica chuan Honduras 3-1 in an hneh bawk.

Canada leh Costa Rica te hi Copa America khel turin an tling ta chiah a, a tling chiang tawh ram 14 te an belhchhah dawn a ni. Copa America khel tur hian South America bakah khawmualpui dang aṭanga khel tur an sawm belh ṭhin.

Canada hi Group A-ah an awm dawn, an match hmasa ber atan June 20 hian champion lai Argentina an hmachhawn ang; a hnuah Peru leh Chile te an hmachhawn chhunzawm leh dawn a ni.

Group D lama awm Costa Rica hi June 24-ah an inlan ṭan ve thung dawn a, anni hian an match hmasa berah world champion vawi nga ni tawh Brazil an tum dawn. A hnuah Colombia leh Paraguay te an tum ve leh thung ang.

Group B-ah Mexico, Ecuador, Venezuela leh Jamaica te an awm a, Group C-ah Uruguay, Panama, Bolivia leh United States te an awm thung. Kumin Copa-ah hian South America bakah North leh Central America bakah Caribbean aṭangin ram inlan an awm dawn a ni.