Mizoramin gold leh silver an la

3rd Sub Junior (boys & girls) Boxing Championships-ah Mizoram tan Justin M Lalthanpuia'n gold a la a, LH Vannneihtluanga'n silver medal a la bawk. Inelna hi kum 13-14 inkar tana buatsaih a ni a; Noida, Uttar Pradesh-ah neih a ni.

March 18-25, 2024 chhung khan inelna hi neih a ni a, Mizoramin boxer 15 - mipa pakua leh hmeichhe paruk a tir. Mizoram team hi coach Lalfakzuala leh R. Lalbiaksangi ten an ho a, medal pahnih an hlawh chhuak a ni.

43-46 kg-ah Mizo naupang Justin hi North Vanlalphai khua a ni a, Lunglei SAI-a inzir niin final-ah Haryana boxer Sanchi Jayani chu split decision (29-28, 28-29, 27-30, 29-38, 30-27) in a hneh a, gold medal a hnek chhuak.

46-49 kg final-ah LH Vanneihtluanga leh Haryana boxer Ravi Sihag te an inhmachhawn. Lunglei College Veng naupang Vannneihtluanga hi unanimous decision (30-27, 30-27, 30-27, 30-27, 30-27) in a chak lo a, silver medal-ah a lungawi a ṭul.