Republic Veng field-ah Khelo North East Archery Tournament

Khelo India NTPC North East Zone Open Archery Tournament hmasa ber chu nimin khan Republic Veng field-ah khelh ṭan a ni. Inelna hi Archery Association of Mizoram (AAM)-in a thleng a, inlena thlengtu Mizoram bakah Assam, Meghalaya, Nagaland leh Manipur aṭangin thal kap thiam 50 vel an kalkhawm.

Inelna hi ni hnih awh a ni a, nimin khan ranking round neih niin vawiin hian final round neih a ni leh dawn. Khelo East India Archery inelna hi 70 metres-a hla aṭanga recurve thal kah leh 50 metres-a hla aṭanga compound thal kaha inelna a ni.

Khelo India hnuaiah Archery Association of India chuan zone ngaah inelna a buatsaih a. North, South, East, West leh North East-ah te ṭhen a ni a, Mizoramin hmarchhak bial inelna hmasa ber a thleng.

Mizoram aṭangin pathum Jonathan Lawm-sanga (Republic Veng), B. Remruatpuia (ITI Veng) leh Esther Lalramdinpuii (Zuangtui) te an tel. Inelnaah hian Indian round a tel loh avangin NE Olympic hnuhnung bera mipa team-te an tel thei lo thung.