Liverpool hnehtu United inlan zan

Manchester United-in FA Cup quarterfinal-a Liverpool an hneh zawh hnuah international break avangin match an la khel leh lo. Erik ten Hag-a hoten hian zanin dar 1:30 hian Brentford an tlawh dawn.

Reds laka chakna goal khungtu Amad Diallo-a'n kawr a phelh avanga hremna a hmachhawn chiah dawn a, chutihrualin Bees wing back Sergio Reguilon pawh Burnley an hneh loh ṭuma hnawhchhuah a nih avangin a khel dawn bik lo.

England tana bul ṭan hmasak bera man of the match-a thlan Kobbie Mainoo chu mit la tur a ni a, Bees lamin England tana goal khungtu Ivan Toney an kawl ve bawk.

Brentford hi table-ah 15-naah an awm mek a, Premier League match hnuhnung parukah chak hmel an hmu lo. Inkhelhna tur hi Brentford khelmual ni mah se UCL khelh tum Man United tan chak ngei a ṭul ang.