UCL inchuh kan tam - Allegri

Juventus manager Massimiliano Allegri chuan Serie A champion nih an tum ngam tawh lo tih a pawm a, hetih lai hian European football inelna sang ber Champions League erawh khelh phak ngei an tum tih a sawi thung.

Allegri chuan, "Tunah hian pathumna kan ni a, pangana AS Roma nen kan inkar a zau lo hle. Chuvangin palina china awm chungin season kan khar ngei dawn tih hi a chiang ngawt lo a, chetsual a thiang tawh lo tihna a ni.

"Italian football-ah hian tawnhriat tam tak ka lo nei ve tawh, tun season tawp dan tur pawh hi rinlawk thiam a harsa hle. Team ngai hi a chak reng theih loh a, chuvangin kan dinhmun hi nasa takin a la inthlak thei," a ti.

Serie A table-a pathumna ni lai Old Lady hian zanin dar 10:30 hian Lazio an lenchilh dawn a ni. Easter Sunday vangin Italy-ah chuan March 31, Pathianniah inkhel a awm dawn lo.