Giroud-a'n MLS a pan dawn

AC Milan striker Oliver Giroud chuan season tharah Major League Soccer club Los Angeles FC a zawm dawn niin khawthlang media-te chuan an tarlang a, Euro 2024 zawh rualin USA lam pan hian a puanthuah a tel dawn a nih hmel.

Arsenal striker hlui Giroud hian season tawp rualin Milan-a a contract hi a hmang zo tawh dawn a, kum 37 mi a nih ve tawh avangin European top five league aia league hahdam zawk pan ve tawh a duh a ni mai thei.

LAFC hian Giroud hi MLS 2025 season thleng an hnena cham tura lakluh an tum nia sawi a ni a, a kum tam deuh tawh mah se French striker hi khelmuala a che tla vel hmuh a la nuam hle.

France tan vawi 131 inlana goal 57 khung tawh Giroud hi tun season-ah pawh a la che 'hot' hle - inelna hrang hrangah match 37 khel tawhin, goal 14 a khung a, assist vawi kua a nei bawk.