Bengaluru tan Kohli chet ṭhat a tawk lo

Indian Premier League-ah Royal Challengers Bengaluru-in Virat Kohli 83 runs siam hmangin over 20-ah 182/6 runs siam mah se an khingpui Kolkata Knight Riders-in over 16.5 lekah 186/3 runs siamin wicket sarihin an chak.

M Chinnaswamy Stadium-a inkhelah Kohli-a'n ball 59-ah 83 runs a siam a, a thi lo bawk. Mahse, Kohli hian thlawptu an nei ṭha tawk lo. KKR-ah erawh che ṭha fal an awm lo a, top order pali Phil Salt (30), Sunil Narine (47), Venkatesh Iyer (50) leh Shreyas Iyer (39) te an che ṭha vek a, awlsam takin hnehna an chang.

Inrinni zan khan Lucknow Super Giants (199/8) chuan Punjab Kings (178/5) chu 21 runs-in an hneh a, Quinton de Kock-a'n ball 38-ah 54 runs siamin half century a siam. Zanin dar 7:30-ah Mumbai Indians leh Rajasthan Royals te an inkhel ang.