Khaled Memorial League round tawp ber khel dawn

Cricket Association of Mizoram (CAM) hnuaia inelna Khaled Memorial Tournament 2024 chu vawiin hian league round hnuhnung ber khelh a ni dawn a, chawhma dar 9:00-ah Armed Veng leh Lily Veng te an inhmachhawn ang.

Inelna hi Suaka Cricket Ground, Sihhmuiah neih tur niin, table mawng lama awm Lily Veng hi tla thei dinhmunah an la ding a, chuvangin vawiin inkhel hi an tan a pawimawh hle - Armed Veng erawh season thara second division khel zel turin an dinhmun a chiang tawh.

Team 10 inel zingah a chung bera awm Pacers leh Luangmual te chuan final an lut chiang tawh a, anni pahnih hi first division club ni turin an tling tawh bawk. A hniam ber Legends tla tawhin, match hnuhnung ber an khelh zawh hnu hian tam pakhat dangin an la zui bawk ang.