HPC Cup : Vawiinah inkhel pathum

Lunglei District Football Association (LDFA) leh Lunglei District High Powered Committee (HPC) te ṭangkawp buatsaih - 13th HPC Cup 2024 : Inter Village/Local Council Football Tournament chu vawiin hian khelh chhunzawm a ni dawn.

C. Ṭhuamluaia Mual, Lungleia khelh mek tournament-ah hian mipa leh hmeichhe inelna buatsaih a ni. Chawhma dar 11:00 hian hmeichhe semifinal khelh tur niin Venghlun leh Vanhne an inhmachhawn ang.

Chawhnu lamah mipa quarterfinal match pahnih a awm dawn. Match hmasa zawkah Chanmari leh Haulawng an intum ang a, a hnuah Ramthar leh Electric Veng ten semifinal lut tur zawk an chingfel ve leh bawk dawn a ni.