Champhaiah Naupang League an hlut

Reliance kaih-hruainain district pali Aizawl, Champhai, Lunglei leh Kolasib-ah football hmanga naupang inelna buatsaih a ni a, hlut a hlawh hle.

District tinah hian category pali Under 8, Under 10, Under 12 leh Under 14 a awm vek a, Aizawl leh Champhaiah hian team 12 an awm. Lunglei leh Kolasib-ah team pariat ve ve an awm thung.

Champhai hian March 28, Ningani khan an zo tawh a, Aizawl leh Kolasib hian April 6, Inrinniah an zo leh ang.

Champhai hian inelna hi Chhangphut Field-ah inelna an kalpui a, team 12 an tel chu Bethel, Dreamers, Electric, Kahrawt, Kanan, Ruantlang, Tlangsam, Venglai, Vengsang, Vengthar, Vengthlang leh Zotlang te an ni.

Team tin hian category tinah match 33 an khel vek. Under 8-ah Vensang leh Dreamers ten point 89 ve ve an hmu a, goal difference nei ṭha zawk Vengsang an champion. Under 10-ah Kahrawt-in point 87 hmuin an champion bawk.

Under 12-ah Venglaiin point 91 hmuin an a sang ber a, goal 200 tehmeuh khung bawkin an champion. Under 14-ah Ruantlangin point 78 hmuin an champion a, Dreamers-in point li chauhin an pha lo.