Juve vs Lazio - a vawi hnihna

Kartawp Italian Serie A inkhelah Juventus chuan 1-0 in Lazio an ngam lo a, coach Massimiliano Allegri-a'n ban duhtu a ngah sawt. Mahse, zaninah Allegri-a'n tihsual siamremna remchang a nei dawn a, Coppa Italia semifinal-ah zan dar 12:30 hian Lazio nen an inhmachhawn dawn.

Juve hi an league match hnuhnung pakuaah vawi khat chiah an chak ve! Vawi li an khingpui an inhnehtawkpui a, vawi li an draw - Juve ang club lian inti tan chuan result duhawm lo tawpkhawk a ni a, Allegri hian Italian Cup tala a hmingchhe tur thupmawi a duh ang.

Chutihrual chuan Lazio hi coach thar Igor Tudor enkawlna hnuaiah an phur thar hle. Kum 45 mi coach hian March 18 khan Lazio hi a zawm ve chauh a, a match hmasa berah player a nih laia a khelhna Juve hi hmachhawnin, 1-0 in a hneh nghal.

Croatia international hlui hian zaninah pawh Juve hneh nawn a duh dawn a, inkhel hmuhnawm a beisei ngam ang. Semifinal pakhat zawkah Fiorentina leh Atalanta an inhmachhawn dawn a, anni erawh Nilaini zan dar 12:30-ah an inlan dawn chauh thung.